Logoa
Logoa
aikor.eus

“360º” taldeko erakusketa ikusgai ipini da Baserri Antzokian

  Kultura  Txorierri
“360º” taldeko erakusketa ikusgai ipini da Baserri Antzokian

Diziplina anitzeko erakusketa da eta bertan 15 egileren lanak daude ikusgai: Jone Saitua, Roberto Mata, Jon Mao, Jessica Llorente, Joseba Kortazar, David Hornback, Naroa Gutiérrez, Roberto Freire, Efrén, Germán de los Ríos, Idoia Carramiñana, Mi Cara B, Adirane Azkuenaga, Adrián Castañeda eta Nerea Apodaka. Erakusketa argazkigintzari, margogintzari, eskulturari eta poesia bisualari lotutako lanek osatzen dute. 

Gainera, aipatu beharra dago Hornback argazkilariak Pulitzer Saria jaso zuela 1989an, San Jose Mercury News lantaldearekin batera, San Franciscon izan zen lurrikarari buruz egin zuen erreportajeari esker. 

Erakusketarietariko bat izateaz gainera, Germán de los Ríos eskultorea erakusketaren komisarioa ere bada. Bere esanetan, erakusketak edozein artistak bere lanak jendaurrean erakusteko duen beharrari ematen dio erantzuna. “Taldeko erakusketa da, nire ustez, horrelakoak askoz biziagoak eta interesgarriagoak direlako. Izan ere, bertan esparru ezberdinetako lanek bat egiteaz gainera, hobeto betetzen da aretoa”.

Erakusketa uztailaren 30era arte egongo da ikusgai Baserri Antzokian. De los Ríosen iritziz, erakusketak harritu egingo du hara hurbiltzen dena. “Lan asko daude eta, gainera, oso ezberdinak dira. Beraz, artea atsegin duen edonor harrituko da eta gustatuko zaio”.

Aurreratu digunez, hau ez da Baserri Antzokian egingo duten erakusketa bakarra, etorkizunean bertan beste erakusketa bat ipintzeko asmoa dutelako.

Ikusi argazki guztiak handiago

2018/07/05 - 2018/07/30

Txorierri

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa