Euskaraldia azaroaren 23an hasi zen arren, ekimenean izena emateko epea hilaren 27an amaitu zen. Txorierriko arduradunek datuak jakinarazi dituzte, eta, horien arabera, gure eskualdean 2.492 lagunek egin dute bat egitasmoarekin: 1.636 ahobizi eta 856 belarriprest, hain zuzen ere.
Herriz herri hurrengo lerrootan dituzuen datuak jaso dira. Loiun, 221 lagunek eman dute izena Euskaraldian: 133 ahobizi eta 78 belarriprest; Sondikan, 566 pertsonak: 309 ahobizi eta 257 belarriprest; Derion, 490 herritarrek: 298 ahobizi eta 192 belarriprest; Zamudion, 387 lagunek: 237 ahobizi eta 150 belarriprest; Lezaman, 319 herritarrek: 243 ahobizi eta 76 belarriprest; eta Larrabetzun, 519 pertsonak: 416 ahobizi eta 103 belarriprest.
Euskaraldiak hizkuntza ohituretan eragitea du helburu, eta abenduaren 3ra arte egingo da.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
