Bihar, ohikoa den moduan, Meltxor, Gaspar eta Baltasar helikopteroz ailegatuko dira aireportuko terminal zaharrera. Harrera bertan egingo diete, 18:00etan, eta ondoren kalejiran irtengo dira, Sondikako kaleak magiaz, kolorez eta musikaz betetzeko.
Kalejira Goronda Beko kiroldegian amaituko da. Errege Magoak herriko umeekin izango dira kiroldegian, eta opariak banatuko dituzte.
Ekialdeko magoak Derion ere egongo dira. Meltxor, Gaspar eta Baltasar kalejiran aterako dira 18:30ean Kultur Birikatik, eta, herriko kaleetatik ibili ostean, harrera egingo diete Udaletxean. Derioztarrek ere ilusioz eta magiaz betetako arratsaldea edukiko dute.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).