EH Bilduk arauz besteko proposamen bat aurkeztu du Bizkaiko Batzar Nagusietan. Talde politikoak hau proposatu du: Batzar Nagusiek Bizkaiko Foru Aldundiari eskatzea, horrek Bizkaiko Garraio Partzuergoaren lehendakaritza duen heinean, Txorierriko Euskotreneko zerbitzua metroaren L3 linean integratzea bultzatzeko.
Jakinarazitakoaren arabera, alderdi guztiek onartu dute proposamena, PPk izan ezik, abstenitu egin dena.
Metroaren L3 linea martxan jarri zenetik, eta Txorierri linea horretan integratuko zela agindu bazen ere, txorierritarrok beste bidaia bat ordaindu behar dugu garraio-aldaketa egiten badugu, hau da, trenetik atera eta metroa hartzeagatik. Kukullaga-Matiko zatia erabiltzen dutenek, berriz, ez. EH Bilduren ustez, egoera guztiz diskriminatzailea da, eta neurriak hartu beharko lirateke horrekin amaitzeko. “Argi dago oztopo eta aitzaki teknologikorik ez dagoela. Borondate politikoa behar da”.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
