Profesional mailan Lejagarrak izan duen lehenengo porrota izan da. Beraz, ez da datozen hilabeteotan munduko txapelketa irabazteko lehian sartuko. Guztira 10.000 lagunek ikusi zuten zuzenean borroka.
Boxeolari errusiarra hasiera-hasieratik nagusitu zen. Esate baterako, laugarren roundean, Avanesyanek Lejarraga bota zuen lurrera. Txapeldungaiak komeni zitzaion borroka egin zuen: sendo defentsan; eta azkar, kontraerasoan. Era berean, Kerman gogotsu ibili zen, betiko moduan, baina ez zen gustura aritu. Azkenean, txapeldunak kolpe-sorta ederra jaso ostean, epaileak borroka gelditu behar izan zuen. Boxeolari euskaldunak kiroltasunez jokatu zuen eta berak jarri zion gerrikoa arerioari.
“Zorionak eman nahi dizkiot Davidi, argi ibili delako. Zuen laguntzarekin, altxatu egingo naiz berriro. Errebantxa nahi dut eta, horretarako, Errusiara edo edonora joango naiz”, adierazi zuen Lejarragak. Morgarrak ezin izan zuen hirugarren aldiz Europako txapelketa irabazi, hain zuzen ere, Paulino Uzcudun, Agustin Senin eta Urtain euskal boxeolari mitikoek lortu zutena. Porrotaren ondorioz, Lejarragak ospea galdu du eta baliteke baita Estatu Batuetan borrokatzeko aukera ere.