Gogoratu Txorierrik aurten hiru aldiz egingo duela klika. Aurreikuspenaren arabera, Korrika Usansolotik sartuko da Larrabetzura apirilaren 10ean, 13:40ak aldean. Lezamatik, Zamudiotik, Deriotik, Larrondotik eta Sondikatik pasatu ondoren, Erandiogoikora abiatuko da, eta handik Uribe Kostara. Leioa inguruan dagoela Goierrira sartuko da eta, Txorierritik irten ostean, kostalderantz joango da. Hurrengo egunean gure bailara sartuko da berriro: 16:25ak aldean Lutxana Erandiotik abiatuko da Erandiogoikora, handik Loiura, eta gero Uribe Butroerantz egingo dau.
Korrika kulturalari dagokionez, hurrengo ekitaldiak antolatu dira Txorierrin:
Apirilak 5, barikua
Lezama
17:30 Umeen jolasak.
19:00 Zorrikorrika.
20:00 Txokolatea eta bokatak.
Derio
19:30 Poteoa Orkresta Elektrotunarekin batera.
21:30 Herri afaria.
Apirilak 6, zapatua
Zamudio
11:30 Kuestazinoa – Arropa eta petoak erosteko aukera.
Umeentzako tailerrak.
Mixerabliak musika taldea.
Txitxi-burruntzia.
Sondika
Korrika bazkaria, Ola jatetxean.
Apirilak 10, eguaztena
Sondika
Korrika pasatu ostean, txokolatada.
17:00 Ume eta gurasoentzako dj festa, Ikurrina plazan.
Derio
Eguerdian, Xaibor eskolan.
Apirilak 11, eguena
Loiu
10:15 Ikastetxeen arteko Korrika txikia.
Erandiogoikoa
Korrika pasa ostean, Flashmob-a eta txokolatada.
Apirilak 12, barikua
Zamudio
21:00 Bertso-afaria Baserri Antzokian: Igor Elortza, Etxahun Lekue eta Oihana Bartra. Gai-jartzailea: Iratxe Ibarra. Lagatzu euskera alkarteak antolatua.
Apirilak 14, domeka
Txorierri
Korrikaren bukaera-festa, Gasteizen. Txepetxa euskaltegiak autobusa antolatuko dau.