Txorierritarrok hurrengo egunean ere, apirilaren 11n, hartuko dogu euskerearen lekukoa. Izan be, Korrika ostera be sartuko da bailarara: 16:25ak aldean Lutxana Erandiotik abiatuko da Erandiogoikora, handik Loiura, eta gero Uribe Butroerantz egingo du. Beraz, hiru aldiz egingo dugu klika. Aurten lasterketan parte hartu ezin baduzu, Korrikak Txorierrin egingo duen ibilbideari zuzenean jarraitu ahal diozu www.aikor.eus webgunearen bidez.
Hamar egunean Euskal Herri osotik igaro ostean, Gasteizen amaituko da hilaren 14an. Mezuaren irakurketa eta jai handiaren hasiera 12:30erako aurreikusita dagoz Andra Maria Zuriaren plazan. Txepetxa AEK euskaltegiak autobusa antolatu du bertara joateko.
Bestetik, datozen egunotan Txorierrin zenbait ekitaldi izango ditugu Korrika kulturalaren harira:
Apirilak 10, eguaztena
Sondika
Korrika pasatu ostean, txokolatadea.
17:00 Ume eta gurasoentzako dj festa, Ikurrina plazan.
Derio
Eguerdian, Xaibor eskolan.
Apirilak 11, eguena
Loiu
10:15 Ikastetxeen arteko Korrika txikia.
Erandiogoikoa
Korrika pasa ostean, Flashmob-a eta txokolatadea.
Apirilak 12, barikua
Zamudio
21:00 Bertso-afaria Baserri Antzokian: Igor Elortza, Etxahun Lekue eta Oihana Bartra. Gai-jartzailea: Iratxe Ibarra. Lagatzu euskera alkarteak antolatua.