3zpa4 taldea, maiatzaren 10ean, Lagatzuren eskutik

Urtero moduan, Lagatzu Zamudioko euskara elkarteak Aste Kulturala antolatuko du aurten, maiatzaren 3tik 11ra bitartean. Zenbait ekitaldi egingo dituzte eta horietako bat 3zpa4 musika taldeko kontzertua izango da. Gazteak maiatzaren 10ean arituko dira Baserri Antzokian, Derion, 19:00etan. Sarrera bakoitzak 10 euro balio du eta Baserri Antzokian bertan zein Zamudioko liburu-dendan erosteko aukera dago.