Hego Euskal Herriko joerari jarraituta, EAJ-PNV Txorierrin boto gehien lortu duen alderdia izan da: 5.735 boto, hain zuzen ere. Jeltzaleek 2016ko hauteskundeetan baino 1.228 boto gehiago eskuratu dituzte. EH Bilduk 2.319 boto jaso ditu eta bigarren alderdia izan da; 2016an baino 521 boto gehiago izan ditu. Elkarrekin Podemosek, berriz, 904 boto galdu ditu, aurtengo hauteskundeetan botoa 1.950 lagunek eman diote eta. PSEk, bestalde, 1.707 boto lortu ditu, aurrekoan baino 632 boto gehiago.
PPk ere botoak galdu ditu Txorierrin: 372 (563 boto jaso ditu aurtengo hauteskundeetan); Ciudadanosek 26 boto gehiago eskuratu ditu (305 boto, aurtengo hauteskundeetan); eta VOXek 185 boto gehiago lortu ditu (190 boto, aurtengo hauteskundeetan). Parte-hartzeari dagokionez, aurten 1.340 txorierritar gehiagok hartu dute parte hauteskundeetan: 13.098 lagun, hain zuzen ere.
Hego Euskal Herriko biztanleek 23 diputatu aukeratu dituzte Espainiako Diputatuen Kongresurako: EAJ-PNVk, sei eserleku; Elkarrekin Podemosek, bost eserleku; EH Bilduk, lau eserleku; PSEk, lau eserleku; PSNk, eserleku bi; eta Navarra Sumak, eserleku bi. Espainian PSOEk irabazi ditu hauteskundeak (123 diputatu), baina hitzarmenak beharko ditu gehiengoa osatzeko.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).