“Parkea Musik Fest” jaialdia Euskadiko Parke Teknologikoen Sareak antolatu du hirugarren aldiz. Aurten, ekimena Bizkaiko Zientzia eta Teknologia Parkean egingo da; Txorierriko Baserri Antzokian, hain zuzen ere. Jaialdia ekainaren 7an izango da eta musika-emanaldiak 14:00etan hasiko dira. Jatekoak, edaria eta zozketak ere egongo dira. “Parkea Musik Fest” musika-saioa 2016an egin zen lehenengo aldiz. Euskadiko Parke Teknologikoen Sareak urtero antolatzen du “Erronka bat Parkearentzat” lehiaketa, eta jaialdia lehiaketa hori irabazitako proiektu baten harira egiten da orain dela hiru urtetik hona.