.jpg)
EGAZ Txorierrira hautagai bila joan ziren enpresek profil hauek eskatu zituzten: manufaktura-industria eta eraikuntzako langileak (152), pertsona teknikoak eta laguntzaile profesionalak (140), oinarrizko lanetarako langileak (139), zientzialari profesionalak eta intelektualak (135) eta bulegoko langileak (86). Horrezaz gainera, zaharberritze-lanak egiteko pertsonak eskatu zituzten, langileak eta saltzaileak, instalazioetako eta makineriako langileak eta zuzendaritzako eta gerentziako langileak. Enplegu eta Sustapen Ekonomikoko Zerbitzura arlo hauetako 333 enpresak jo zuten: merkataritza eta ostalaritza, manufaktura-industria, artea, entretenimendua, zientzia, administrazioa, eraikuntza, komunikazioa, finantzak eta nekazaritza. Guztira 1.148 lanpostu eskaini ziren.
Bestetik, EGAZ Txorierrik 49 enpresa martxan jartzen lagundu zuen 2018an. Enpresa horiek 79 lanpostu sortu dituzte (59 lanpostu, 2017an), eta proiektuetan 1.742.600 euro inbertitu ziren. Inbertsioaren % 63 Eusko Jaurlaritzak, Bizkaiko Foru Aldundiak eta Europako Gizarte Funtsak inbertsioaren % 63 finantzatu zuten. Zerbitzuaren datuen arabera, Txorierriko ekintzaileak 45 urtetik gorako gizonak eta 35 urtetik 44 urtera bitarteko emakumeak dira, eta erdi- edo goi-mailako ikasketak dituzte.