Sondikan, besteak beste, igeriketa, squasha eta padela egin ahalko dira Artebe kiroldegian, eta frontoia, gimnasioa eta areto-futboleko zelaia erabili ahalko dira Goronda Beko kiroldegian. Biak 10:30etik 13:45era egongo dira zabalik zapatuan, ekainaren 1ean.
Derioko udal kiroldegia domekan, ekainak 2, zabalduko da 10:00etatik 14:00etara. Derioztarrek zumbarekin, ginkanarekin eta ur-jolasekin gozatu ahalko dute, eta, gainera, galkorrak ez diren elikagaiak batuko dira herriko elikagai bankuari laguntzeko.
Azkenik, Zamudion street kirolak egongo dira bihar, ekainaren 1ean: parkour-a, street workout-a, slackline-a, urban dance-a, grafitia, skatea eta roller-a. Ekintzak 10:00etatik aurrera izango dira, eta parkour-eko 15 atletak erakustaldia eskainiko dute. Era berean, Zamudiobox Zamudioko boxeo taldearen ekitaldia egongo da. Izena ematea udaletxean, www.streetkirolak.eus webgunean edo bihar bertan egin daiteke (09:30etik 10:00etara, lekurik badago).