Udal hauteskundeak maiatzaren 26an izan ziren. EAJk zazpi zinegotzi eskuratu ditu Derion, 2015eko hauteskundeetan baino zinegotzi bat gehiago; EH Bilduk, hiru zinegotzi (zinegotzi bat galdu du); eta PSE-EEk, hiru zinegotzi. EH Bilduk zazpi zinegotzi lortu ditu Larrabetzun ( bat gehiago); eta EAJk, lau zinegotzi (bat gutxiago). Lezaman, EAJk zortzi zinegotzi ditu (bi gehiago); eta EH Bilduk, hiru zinegotzi (bi gutxiago).
Bestetik, EAJk bederatzi zinegotzi lortu ditu Loiun (bat gehiago); EH Bilduk, 2; eta PPk galdu du zuen zinegotzia. Sondikan, EAJk zazpi zinegotziak mantendu ditu; EH Bilduk ere hiru zinegotziak mantendu ditu; eta PSE-EEk, zuen bakarra. Zamudion ere ez da aldaketarik egon: EAJk jarraitzen du zazpi zinegotzi izaten; eta EH Bilduk, lau.
Azkenik, EAJk bederatzi zinegotzi eskuratu ditu Erandion; PSE-EEk, bost (bat gehiago); EH Bilduk, bost (bi gehiago); eta Elkarrekin Podemosek, bi. Bestalde, Ganemosek galdu ditu zituen lau zinegotziak; eta PPk, zuen zinegotzi bakarra.