Kukullaga/Etxebarritik Lezamarako tren lineak aldaketa gutxi izango ditu, maiztasuna pasa den negukoaren antzekoak izanik: lanegunetan 15 minutuko maiztasuna izango dute trenek, gaueko azkenak izan ezik (30 minutuko maiztasunekoak). Larunbat, igande eta jaiegunetan 15 minutuko maiztasuna izango dute trenek. Aldaketa hauek norabide bietan izango dute eragina. Euskotrenek azaldu du Zamudioko lanak bukatu bezain pronto, Lekunbiz geltokia erabiltzeko prest geratuko dela.
Metroko 3. lineak pasa den neguko ordutegiari eutsiko dio, ostiral eta jaiegunetako bezperetan 02:00ak arteko tren zerbitzua eskainiz.