Kukularrako lanen bigarren fasea urrian hasiko da

a: Bizkaiko Foru Aldundia

Urria hasita Kukularrako lanen bigarren faseari ekingo diote eta 21 hilabeteko iraupena izango dutela iragarri du Azpiegitura eta Lurralde Garapeneko Imanol Pradales foru diputatuak. Zati honetatik 135.000 ibilgailu inguru igarotzen dira egunero, eta BI-637 eta N-637 errepideen konexioa ahalbidetuko duten lan hauek bai segurtasunean, bai bidaia-denboretan hobekuntzak ekarriko dutela adierazi du. Pasa den apirilean bukatu ziren lehen faseko lanak, eta Pradalesek ziurtatu du ibilgailu-edukieran eta arintasunean berehalako eragina izan dutela.

Berez, gaur egun Kukularreko egiturak komunikazio-lotune konplexua duela adierazi du Gorka Perezek, Lurraldeko Garapen zuzendariak, bertatik Txorierriko autobiako eta Leioako errepide nagusiko trafikoa igarotzen baita. Trafikoa arintzeko errei berria gehituko zaio errepide biak lotzen dituen konexioari, BI-637ko zubibidea barne.

Arrontegitik Txorierriko autobiarako konexioan ere ohiko errepidearen azpitik igaroko den pasabidea ezarriko dutela adierazi dute Diputaziotik, gaur egungo komunikazio-lotunea ekiditeko, eta Arrontegiko zubitik Enekurira joan nahi duten erabiltzaileek irteera berri bat izango dutela gehitu dute.