Bideoa Garrasia Sondikako talde feministak eta Iretargi Betea Loiuko talde feministak egin dute Azaroaren 25aren harira. Azaldu dutenez, guztiok dakigu emakumeen kontrako indarkeria gizartearen gaitza dela; horregatik, “bideoaren helburua ez da arazoa publiko egitea, baizik eta jendearengan amorrua sortzea, behingoz kontura daitezen beharrezkoa dela gaitz honen kontra zerbait egitea. Txorierriko neska gazteon aurpegia erakutsita nahi izan dugu eragina sortu eta ingurukoen sentsibilitatera jo”.
Nesken esanetan, teknologia-munduan bizi garen heinean, paperezko kartelak eta testuak ez dira hain eraginkorrak. “Horregatik, batez ere jende gaztearengan pentsatuta eta ahalik eta jende gehienengana ailegatzeko asmoz, pentsatu genuen onena zela zerbait formatu digitalean egitea”. Bideoa egiteko ideia Garrasia taldekoek izan zuten, eta Iretargi Betea taldeko neskei bertan parte hartzeko proposamena egin zieten. “Izan ere, biok nahiko talde berriak eta ezezagunak gara, eta, nahiz eta bakoitzak bere herrian hainbat ekintza egin, ezinbestekotzat jotzen dugu indarrak batzea eta elkarrekin aritzea, gure borroka ahalik eta jende gehieni helarazi ahal izateko”. Horri lotuta, gogoratu dute Azaroaren 25a borroka-eguna dela.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).