Sondikako pentsiodunek lapiko-jotzea antolatu dute gaurko, biharko greba orokorrari atxikimendua adierazteko. Ekintza 21:00etatik 21:15era izango da Ikurrina enparantzan. Lezaman ere elkarretaratze zaratatsua egingo da 20:00etan. Bihar, 07:00etan, martxa bat aterako da Torrelarragoitiko errotondatik Zamudiorantz, eta 11:00etan Bilbora joango dira bertako manifestazioan parte hartzera. Txorierriko zutabea San Pedro plazatik aterako da 11:45ean. Bestalde, 17:00etan elkarretaratzea izango da Lezaman, eta 18:00etan manifestazioa irtengo da Sondikako tren-geltokiko parkingetik.
Greba orokorraren antolatzaileak eta herritarrak lan-baldintza, pentsio eta bizitza duinak eskatzera aterako dira bihar Hego Euskal Herriko kaleetara, eskubide sozialak aitortzeko eta bizitza erdigunean ipintzeko eskatzera. Guztira 101 mobilizazio antolatu dira.