Plan Zuzentzailearen bidez, aireko zirkulazioari etorkizunean erantzuna emateko beharrezkoak izango diren azpiegitura berriak aurreikusten dira. Bilboko Aireportuaren Plan Zuzentzailearen proposamenean jaso diren egitasmoen artean hauek daude: aireontziak aparkatzeko plataforma handitzea, gaur egungo terminala birmoldatzea eta handitzea, bidaiarientzako aparkalekuak handitzea, bloke teknikoko eraikin berria egitea langileentzat, aire-kargako eremua aireportuaren iparraldera eramatea, aireportuaren hegoaldea berrantolatzea hegazkintza orokorreko eta exekutiboko bidaiarientzat eta zentral elektrikoa eta erregaien eremua handitzea. Egitasmoek eragina izango lituzkete hurrengo udalerri hauetan: Derio, Erandio, Loiu, Sondika eta Zamudio.
Iraunkortasunaren Txostena eta Bilboko Aireportuaren Plan Zuzentzailea berrikusteko proposamena Gobernuaren Bizkaiko Ordezkariordetzan (Bilbo) eta www.mitma.gob.es/el-ministerio/buscador-participacion-publica webgunean kontsultatu daitezke. Alegazioak aurkezteko azken eguna 2020ko apirilaren 14a izango da.