Nolanahi ere, eta adierazi dutenez, neurria ez da eskolaren jardueraren etenalditzat hartu behar, eta ikasleek egunero etxean ikasteko ohiturari eutsi diezaioten ahalegina egiteko eskatu dute. Hori dela eta, eta ahal den neurrian, irakasleek material didaktikoa prestatuko dute ikasleen eskura ipintzeko.
Bestalde, nahiz eta ikasleek etxeko bizitza normala egin dezaketen, taldeko jarduerak egiten diren leku txikietan egotea saihesteko aholkua eman dute. Era berean, osasun-gomendioak betetzeko eskatu dute, birusa kontrolatzeko lagungarriak direlakoan.
Euskadin 346 koronabirus-kasu daude eta 11 pertsona hil dira.
Koronabirusaren gaineko gomendioak, lotura honetan: https://www.euskadi.eus/koronabirus-berriaren-aurrean-euskadin-jarduteko-informazioa-eta-gomendio-orokorrak/web01-a2gaixo/eu/