Koronabirusa

EGAZ Txorierrik iritzia eskatu die enpresariei, koronabirusak bailaran sortutako eragina jakiteko

EGAZ Txorierri erakundeak inkesta plazaratu du, koronabirusak Txorierriko enpresetan izan duen eragina jakiteko. “EGAZ Txorierrin badakigu alarma-egoerak eta koronabirusaren osasun-krisialdiak enpresa, saltoki, ostalari eta autonomo asko kaltetu dituela. Erakunde publikook hainbat neurri ezarri ditugu efektuak arintzeko eta normaltasuna lehenbailehen berreskuratzeko. Enpresekin gabiltza lanean, talka-plan bat sortzeko”, aipatu dute EGAZen webgunean.

EGAZ Txorierrik galderak egingo dizkie inkestari erantzun nahi dioten enpresariei, “epe laburrean” ezohiko egoera horren kontrako plana garatzeko. “Neurriak ahalik eta eraginkorrenak izan daitezen, enpresarien ikuspegia da garrantzitsuena”. Horregatik, inkestari erantzuna emateko gonbidapena egin die “Txorierriko merkatariei, ostalariei eta zerbitzu- eta industria-enpresetako arduradunei”.    

Hona hemen inkestari erantzuna emateko esteka:

https://docs.google.com/forms/d/e/1FAIpQLSfbTHtFhRQ2yHOvtmodk6WXDpNQLaAUbVgyHgORxHI8pbJ5mg/viewform