Koronabirusa

Telefono bidezko lanerako orientazio-zerbitzua sortu da gazteentzat

Zerbitzua Txorierriko Udalek ipini dute martxan Bizkaiko Foru Aldundiarekin batera, eta helburua da une zail honetan gazteei lana bilatzen laguntzea. Ekimena Gaztedi Bizkaia programaren barruan dago eta 16 urtetik 30 urtera bitarteko txorierritarrei dago zuzenduta.

Besteak beste, hauek eskaintzen ditu: arreta pertsonalizatua, lana bilatzeko estrategia indibiduala diseinatzea, lan-merkatuaren beharrizanetara egokitutako profil profesionala zehaztea, laneko helburuak sortzeko laguntza, EGAZ Txorierrik eskura dituen bilatzeko baliabideetarako sarbidea eta laguntza emozionala. Horrezaz gainera, orientatzaile batek pertsona bakoitzaren egoeraren diagnostikoa egingo du, norberaren egoerara egokitzen diren jarraibide espezifikoak sortzeko. Zerbitzua alarma-egoerak irauten duen bitartean egongo da eskuragarri. Informazio gehiago eta izena ematea: www.somostxorierri.com.      

Koronabirusaren gaineko azken datuak Txorierrin hemen.