Zazpi eguneko egitasmoa da eta euskara bultzatzea ere badu helburu. XX. mendearen hasieran kontrabandistek zeharkatu zituzten bidezidorretan barna, gazteak Arritxuloko aterpetxetik (Oiartzun) atera, eta Beintza-Labaiengo aterpetxera iritsiko dira. Abuztuan txanda bi egongo dira, gehienez 20 lagunekoak: lehenengoa abuztuaren 2tik 8ra izango da, eta bigarrena, abuztuaren 16tik 22ra. Udalekuak 285 euro balio du.
Aiako Harriko, Artikutzako eta Leurtzako paraje ederraz gozatzeaz gainera, gazteak Arantzako zuhaitz-parkean eta Beintzako Lezealde kobazuloan ibiliko dira. Ibilaldiak egunez egingo badituzte ere, bizkarrean motxila dutela, kontrabandistek garai batean paketeak eramateko erabili zituzten bidexkatan barna ibiliko dira. Gainera, gau batean, kontrabandoan aritutako Etxalarko Xanti Elizagoienekin solasaldia izango dute afalostean.
Informazio gehiago: www.euskarazblaiudalekuak.com eta 948 592 323 telefono-zenbakia.