Bestalde, sustatzaileen esanetan, zerbitzua baliagarria izan da Txorierriko gazteen lan-egoera eguneratzeko eta jakiteko zenbat ABEEE batean (aldi baterako enplegu-erregulazioko espedientea) egon diren, zenbat telelanean ibili diren eta zenbat langabezian gelditu diren. Batutako datuen arabera, zerbitzuan parte hartu zuten gazte gehienek lanean jarraitu zuten alarma-egoeran: % 35ek lantokira joaten jarraitu zuten; eta % 16,30 telelanean hasi ziren. Gazteen % 9,26 ABEEE batean izan ziren. Halaber, telefono bidezko elkarrizketei esker, gazteen gogo-aldartea ezagutzeko aukera egon da: % 94k ondo egon direla adierazi dute; % 3,33k, hala moduz; % 2,22k, oso ondo; eta % 0,37k, gaizki.
EGAZ Txorierriren bitartez eta Gaztedi programaren baitan, Txorierriko Udalek telefono bidezko orientazio-zerbitzua martxan ipini zuten konfinamenduan, 18 urtetik 30 urtera bitarteko gazteei prestakuntza- eta lan-baliabideei buruzko informazioa ematen jarraitzeko. Orotara 270 gaztek jo zuten zerbitzura martxoaren 14tik ekainaren 16ra bitartean.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).