Bizkaiko Foru Aldundiak 26.800 kultura-bonu atera ditu, eta horiek euskarazko tokiko komunikabideon bazkide egiteko ere erabili ahal dira. Izan ere, COVID-19ak sortutako osasun-eta ekonomia-krisiak euskarazko hedabideotan ere badu eragina, eta Foru Aldundiaren ekimenak tokian tokiko komunikabideoi egoerari aurre egiten laguntzea du helburu.
Bonuak Kutxabanken orotarako kutxazainetan eta webgunean eros daitezke. Prozesua oso erraza da: datuak bete, eta Aikor! Txorierriko aldizkariari dagokion aukera hautatu beharko duzu. Gehienez lau bonu erosi ahalko dituzu. Bonu bakoitzagatik 15 euro ordainduko dituzu, baina benetako balioa 40 eurokoa izango da, aldea Bizkaiko Foru Aldundiak ipiniko baitu. Bonuak maiatzaren 24ra arte erosi ahalko dira.
Ez galdu Txorierriko euskarazko komunikabide bakarrari laguntzeko aukera, behar dugu eta. Gainera, bonua erosiz gero, aikorlagunoi ez dizuegu 2021eko kuota kobratuko. Eskerrik asko!
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
