Dantza-talde bakoitzak bere herrian ospatuko du Euskal Herriko Dantzari Eguna

Euskal Dantzarien Biltzarrak (EDB) jakinarazi du zapatuan, urriak 3, Euskal Herriko Dantzari Eguna ospatuko dutela. Hala ere, COVID-19ak eragindako egoera dela eta, aurtengo ekitaldia ezohikoa izango da eta dantza-talde bakoitzak bere herrian ospatuko du eguna. Taldeek gizarte-sareen bidez zabalduko dute euren dantza-saioa, eta “grabazio guztiak erabilita bideo bat sortuko da. Bideoa EDBko artxiboan geratuko da, bizi izan dugun ezohiko urtea gogoratzeko”.

Euskal Herriko Dantzari Egunean 56 dantza-taldek hartuko dute parte: 46, Euskal Herrikoak, eta 10, euskal diasporakoak. “Dantzari Eguna ezberdina da, baina ez erakargarritasun gutxiagokoa. Formatua guztiz aldatu den arren, funtsezkoena mantentzen du: Euskal Herriko dantza tradizionalak. Aldaketa horiei esker, euskal diasporako taldeek parte hartu ahalko dute,eta dantzek malgutasun eta errepertorio handiagoa izango dute”.  

Azaldu dutenez, EDBren helburu nagusia dantza-taldeek Euskal Herriko folklorea eta dantzak sustatzen eta zabaltzen jarrai dezatela bultzatzea da. “Hori guztia lurralde bakoitzean une  bakoitzean indarrean dauden osasun-eta segurtasun-gomendioak kontuan hartuta.Mezua argia da:‚Äč Martxan jarri eta jarduerari ekin behar diogu berriro. Horretarako, beharrezko neurriak hartu behar ditugu, bizi dugun unearekin bat datozen baldintza seguruak bermatzeko."

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).