Olatz Arrizabalagak Bizkaia txapelketan hartuko du parte urtarrilean

Bizkaiko Foru Aldundiak hirugarren aldiz antolatu du Bizkaia Txapelketa. Hori emakumezkoen binakako pilota-txapelketa da eta bertan Txorierriko ordezkari bakarra izango dugu: Olatz Arrizabalaga. Partidak urtarrilaren 8an, 15ean, 22an eta 31n jokatuko dira Bilbon.

Arrizabalagarekin batera, 11 pilotari sartuko dira lehian: sei bikote, multzo bitan banatuta. Multzo bakoitzeko txapeldunek elkarren kontra jokatuko dute finala eta  bigarrenek hirugarren postua lortzeko borrokatuko dute. Partida biak jaialdi berean jokatuko dira urtarrilaren 31n, 12:00etan, Bizkaia frontoian, Bilbon. A multzoko bikoteak hauek dira: Amaia Alday-Oihana Orbegozo, Miren Larrarte-Gentzane Alday eta Leire Garai-Maite Ruiz de Larramendi; eta B multzokoak, hurrengo hauek: Iera Agirre-Arrate Bergara, Olatz Arrizabalaga-Naroa Agirre eta Ainhoa Ruiz de Infante-Olatz Ruiz de Larramendi.   

Lehendabiziko aldiz, pilotariek pilota mistoa erabiliko dute. Partidak 19:00etan jokatuko dira publiko barik eta Bizkaia Frontoiaren Facebooken bidez eta ETB1en bidez ikusi ahal izango dira. “Txapelketak emakumezkoei gizonezkoek dituzten jokatzeko baldintza berberak eskaintzea du helburu. Ikuskizuna goi-mailakoa izango da, neskek lan ederra egiten dutelako”, esan du Lorea Bilbao Euskara, Kultura eta Kirol saileko diputatuak.

 

Egutegia:

Urtarrilaren 8an, 19:00etan:

Amaia Alday - Oihana Orbegozo vs Leire Garai- Maite Ruiz de Larramendi

Ainhoa Ruiz de Infante- Olatz Ruiz de Larramendi vs Olatz Arrizabalaga- Naroa Agirre.

Urtarrilaren 15ean, 19:00etan:

Miren Larrarte - Gentzane Alday vs Leire Garai- Maite Ruiz de Larramendi

Iera Agirre- Arrate Bergara vs Ainhoa Ruiz de Infante- Olatz Ruiz de Larramendi.

Urtarrilaren 22an, 19:00etan:

Olatz Arrizabalaga- Naroa Agirre vs Iera Agirre- Arrate Bergara

Amaia Alday - Oihana Orbegozo vs Miren Larrarte - Gentzane Alday.

 

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).