EGAZ Txorierrik Hazilan laneratze-programa antolatu du 15. aldiz. Programa goi-mailako ikasketak dituzten 20 urtetik 44 urtera bitarteko lagunentzat da, eta haien lan-egoera hobetzen laguntzea du helburu. Diruz lagundutako egitasmoa da: Europako Gizarte Funtsak % 50 finantzatzen du; eta gainerako % 50a, EGAZek.
Programak fase bi ditu. Lehenengo fasearen harira, aurrez aurreko ikastaro bat egingo da otsailaren 12tik martxora 5era bitartean, 80 ordukokoa. Horretan, trebetasun profesionalak eta pertsonalak indartuko dira coaching-tekniken, motibazio-dinamiken eta laguntza pertsonalizatuaren bidez. Bigarren fasean, praktikak egingo dira enpresetan. “Programak parte-hartzaileei lagunduko die haien lan-helburuak lortzeko baliabideak eta tresnak eskuratzen”, adierazi dute egitasmoaren arduradunek. Izena ematea hemen egin daiteke.
Informazio gehiago: 944 536 370; www.txorierri.eu; egaz@txorierri.eu.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
