Lehiaketa EGAZ Txorierrik eta Politeknika Ikastegiak antolatzen dute ikastegiko ikasleentzat eta Txorierrin erroldatutako 16 eta 29 urte arteko pertsonentzat. Bestalde, lehiaketa Bizkaiko Foru Aldundiak eta Txorierriko Mankomunitateak sustatzen duten Gaztedi programaren barruan dago. Lehiaketa irabazteaz gain, gazteek smartwatch bana jaso dituzte.
Infinity Furnitures bideoak bikain azaltzen du armairu robotizatu baten funtzionamendua; horrek erabiltzaileen denbora optimizatuko luke egunero arropa aukeratzerakoan. Kategoriatan antolatuta egongo litzateke (adibidez, “udako arropa” edo “neguko arropa”); horrek aukera emango lioke erabiltzaileari agindu zuzen bat bidaltzeko, eta altzari adimendunak haren eskaerekin bat datorren arropa aterako luke segundo gutxitan.
Ideia interesgarria da etorkizuneko ekintzailetzari begira, eta, epaimahaiaren ustetan, 2020-2021 lehiaketako onena izan da; izan ere, aurreko edizioa, hasiera batean joan den urteko martxorako aurreikusi zena, atzeratu egin behar izan zen pandemiaren ondorioz.