Autobusek 2.069.400 euro (gehi BEZa) balio izan dute. Magnus Hibrido modelokoak dira 12 metroko Low Entry II klasekoak; modelo hori merkatuko hibrido indartsuena da, eta trakzio elektrikorik handiena duena. Era berean, gaur egun teknologia hibridorik aurreratuena duen eredua da eta 320 CV-eko diesel motorra du, eta 177 CV-ko motor elektrikoa. Segurtasun-, irisgarritasun- eta iraunkortasun-arloko prestazio handiak ditu eta, ondorioz, erregaia aurrezten da eta gas kutsakorren isuriak murrizten dira.
Autobus bakoitzak 41 lagunentzako tokia du (eserita), gurpil-aulkietarako edo umeen orgatxorako bi leku, eta mugikortasun murriztua duten bi lagunentzako tokia. Bestalde, autobusera erraz igo daiteke, eta autobusetik erraz jaitsi, ez baitu eskailera-mailarik. Arrapala automatiko bat eta beste eskuzko arrapala bat ere baditu.
Aurreikuspenen arabera, aurten 12 metroko eta II motako beste bost ibilgailu hibrido izango dira Bizkaibuseko lineetan.