Derioko igerilekuetan hiru txanda egongo dira, eta 300 lagunentzako lekua (edukieraren % 50); txanda batetik besterako tartean desinfektatze- eta garbitze-lanak egingo dira. Txandako ordutegia hau da: 11:00etatik 13:45era; 14:00etatik 16:45era eta 17:00etatik 20:00etara. Abonuak udal-kiroldegian hartu ahalko dira uztailaren 28ra arte; gainera, eguneko sarrera hartzeko aukera egongo da. Izen ematea udal kiroldegian bertan egin ahalko da. Zalantzak argitzeko, 944 540 159 telefono-zenbakira deitu daiteke, edo kirol@deriokoudala.net helbide elektronikora idatzi.
Beste aldetik, Larrabetzuko igerilekuak ekainaren 19an zabaldiko dira. Igerilekuen edukieraren % 50 erabiliko da, eta bi txanda antolatu: 11:30etik 15:30era eta 16:00etatik 20:00etara; txanden arteko tartean desinfektatze- eta garbitze-lanak egingo dira. Abonuak ekainaren 1etik 30era bitartean eskuratu ahalko dira frontoian, eta ez da eguneko sarrerarik egongo. Hitzordua hartzeko, 944 558 276 telefono-zenbakira deitu beharko da.