Osasun-neurriak beteta –48 ordu lehenago egindako PCR negatiboa edo txertoa jaso izanaren egiaztagiria aurkeztu behar zen–, barikuan lehenengo «festibalariak» hurbildu ziren Irisarrira, EHZ festibalarekin gozatzeko. Besteak beste, Olatz Salvadorrek, Rudiger taldeak eta Torheit metal taldeak egin zuten kontzertua. Zapatuan antolatu ziren eztabaidak eta mahai-inguruak, bertso-poteoa, dantza-ikuskizuna eta rap-saioa. Agertokira igo ziren Zea Mays, Fetiche, Anestesia, Tremenda Jauria eta Chill Mafia.
Domekan, Pirritx, Porrotx eta Marimotots pailazoek familiei gozarazi zieten, bazkaria antolatu zen eta, beste batzuen artean, Ruper Ordorikak, Potatok eta Diabolo Kiwik egin zuten kontzertua.