Bestalde, tabernetan, jatetxeetan eta txokoetan % 75eko edukiera izango da. Ezin izango da barran edo zutik kontsumitu, eta mahaietan zortzi pertsona elkartu ahalko dira barnealdean, eta 12, kanpoan. Bestalde, ekitaldietan ere edukiera % 75ekoa izango da. Nolanahi ere, 3.000 pertsona baino gutxiago hartzen duten esparruetan gehienez 1.500 lagunentzako edukiera egongo da barrualdean, eta 1.800 lagunentzako kanpoaldean; 3.000 pertsona baino gehiago hartzen duten lekuetan, berriz, gehieneko edukiera ez da % 40 baino handiagoa izango barrualdean, eta % 60 baino handiagoa kanpoan. Azkenik, gazteen lonjak eta lokalak berriro zabaldu ahalko dira, 16 eta 29 bitarteko gazteen % 85ek txertaketaren jarraibide osoa dutenean.
Pandemiaren bilakaera ikusita, LABik erabaki du indarrean dauden murrizketak lasaitzea. Horrela, bada, diskotekak eta gaueko aisialdiko establezimenduak berriro ireki ahalko dira. Hala ere, barnealdeko edukiera % 50ekoa izango da eta ezin izango da barran edo zutik kontsumitu; dantzalekuan maskara erabili beharko da. Bestalde, itxiera 03:00etan izango da. Gainerako merkataritza-, gizarte- eta kultura-jarduerak ere ordu horretan amaituko dira.