Osasun-larrialdia amaitutzat eman du LABI batzordeak eta, hortaz, pandemia dela-eta ezarritako neurri murriztaile gehienak indargabe geldituko dira bihartik aurrera. Horrela, bada, tabernetako barran kontsumitu ahalko da eta ez da edukiera-mugarik izango ostalaritzako establezimenduetan, dendetan eta kultura-ekitaldietan. Hala ere, 5.000 pertsonarentzako baino gehiagorentzako lekua dagoen guneetan edukiera % 80koa izango da. Era berean, musukoa derrigorrezkoa izango da barnealdeetan, eta kanpoaldeetan, pertsonen arteko distantziarik utzi ezin bada. Bestalde, ura izan ezik, ezin izango da ez jan, ez edan, gizarte-, kultura- eta kirol-ekitaldietan. COVID-19ak eragindako gaitza gaur egun endemikoa dela esan daitekeen arren, adituek gogora ekarri dute birusak jarraitzen duela eta baliteke noizbehinka agerraldiak egotea.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).