Txorierriko 27 talde, Gurot txapelketan

Gurot gazteentzako aplikazioa da, telefono mugikorrean euskaraz jolas daitezen. Txapelketan 61 taldek eman dute izena eta horietako 27 Txorierrikoak dira. Zehatz-mehatz, talde bi Loiukoak dira, hiru Larrabetzukoak, hiru Sondikakoak, lau Lezamakoak, lau Zamudiokoak eta 11 Deriokoak.

Txorierriko taldeekin batera, lehiaketan parte hartuko dute Getxo, Mungia, Gernika-Lumo eta Uribe Butroeko taldeek. Orain lehiatzeko unea da. Talde guztiek hilabeteko epea izango dute jolasteko eta puntuak batuz joateko. Euskaraz jolasten arituko dira eta euren jakinduria eta abilezia erakutsi beharko dute hainbat gaitan: kirolean, zientzietan, kulturan, hizkuntzan, artean, naturan…

Abenduaren 9an jakingo da zeintzuk diren Txorierriko bi talderik onenak. Tablet bana jasotzeaz gain, Bilboko Azkuna zentroan, azaroaren 20an,  egingo den final handira joateko pasea lortuko dute.

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).