Elkarretaratzeak eta adierazpenak Tuterako hilketa matxista gaitzesteko

Astelehenean Sara Pinaren gorpua topatu zuten bere etxean, Tuteran: senarrak hil zuen. Zoritxarrez, Sara Pina da indarkeria matxistak Hegoaldean eta Estatuan hil duen lehenengo emakumea. Estatuko hainbat eta hainbat erakundek eta taldek moduan, Txorierriko erakundeek eta talde feministek adierazpena egin dute Tuterako hilketa matxista gaitzesteko, eta elkarretaratzera ere deitu dute. Zapata Gorriak Zamudioko talde feministaren kideak eta herritarrak, esaterako, Leizaola plazan batu ziren, indarkeria matxistaren aurkako bitrinaren aurrean, eta adierazpena irakurri. Bestalde, Zamudioko Udalak elkarretaratzera deitu du gaurko, urtarrilak 13, 12:00etan, udaletxearen aurrean.   

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).