AEK-k jakinarazi duenez, ibilbidearen xehetasunak, esaterako, ordutegiak, eta ekimenaren unean-uneko egoera kontsultatu ahalko da gailu adimendunetarako KORRIKA aplikazioaren bidez. Programak hainbat berrikuntza dakartza aurten, bilatzaile hobetua eta estaldura arazoak ekiditeko sistema berria, kasu. Aplikazioa eskuragarri dago Android eta IOS sistema eragileen dendetan, eta ibilbide osoa herria eta eskualdeka ere badago ikusgai www.korrika.eus webgunean.
KORRIKAren 22. edizioa “HitzEkin” lelopean egingo da aurten. “Hizkuntza bat hitzekin osatzen da, baina ekimenek eraikitzen dute hizkuntza baten komunitatea. Euskarak aurrera egin nahi badu, euskaldun (pro)aktiboak behar ditu, konbentzimendutik ekintzara, praktikara, jauzi egingo dutenak”. Bestalde, kilometroak erreserbatzeko aukera otsailaren 1ean zabalduko dela adierazi dute antolatzaileek. Horretarako, KORRIKA bulegoekin harremanetan ipini behar da.