Barikuan, hilak 28, Uhinak 22. KORRIKAren dokumentala estreinatuko du AEK-k Laudioko Aiaraldea Ekintzen Faktorian, 20:30ean. Txakur Gorria sormen-kolektiboko kideek egin dute dokumentala eta LABORAL Kutxaren laguntzaz ekoiztu da. Datozen asteetan, dokumentalaren emanaldiak antolatutako dira hainbat herritan eta, era berean, laster telebistan nahiz Interneten zabalduko da.
Honela deskribatzen dute sinopsia dokumentalaren egileek: “Euskal Herriaren zain eta arteria grisetan barrena abiatu gara eta bederatzi ahots topatu ditugu bide bazterretan. Ahots hauei esker, bederatzi paisaia desberdin ezagutu ditugu: bederatzi errealitate linguistiko eta emozional. Hitzekin jolasteko gonbita egin diegu, eta elkarrekin ekiten jarraitzeko irrika jaso dugu bueltan.”
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).