Txepetxa AEK euskaltegiak jakinarazi duenez, abian ipini da KORRIKA Laguntzailea kanpaina. AEKren euskaltegiei laguntzeaz gainera, laguntzaileek edizio honetako pina, txartela eta asteroko zozketa berezietan parte hartuko dute. Era berean, lehentasuna edota deskontuak izango dituzte KORRIKAren ekimenetan eta AEK-ko ikastaroetan eta AIZU! aldizkariaren harpidetzan. Laguntzaile izateko, Txepetxa euskaltegira (Derio) hurbildu daiteke, edo www.korrika.eus webgunearen bidez egin.
Bestalde, KORRIKA apirilaren 6an ailegatuko da Txorierrira. Larrabetzutik sartuko da 16:40an eta Lezama (17:10), Zamudio (17:35), Derio (17:57), Loiu (18:21) eta Sondika (18:30) zeharkatuko ditu, Erandiora jotzeko. Esandakoaren arabera, Txorierriko herri-batzordeak martxan hasi dira eta datozen asteetan jakinaraziko dira zehetasunak, hala nola KORRIKA gurean noiz aurkeztuko den eta bere inguruan antolatuko diren ekintzak. Bestalde, kilometroak erreserbatzeko aukera bihar, otsailak 1, zabalduko da. Horretarako, KORRIKA bulegoekin harremanetan ipini behar da.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).