Bizipuntua doako zerbitzua da eta hari esker txirrindulariek tresna batzuk izango dituzte eskura, nork bere bizikleta behar bezala konpontzeko eta zaintzeko: bihurkinak, giltza ingelesa, giltza finkoak, allen motako giltza txikiak.... Gainera, mahuka bi daude: bata, gurpilak puzteko; eta bestea, ura botatzeko eta bizikleta garbitzeko, esate baterako. Azkenik, QR kodeak ere jarri dituzte eta horien bidez eskainiko dira hainbat tutorial, konponketa sinpleak egiten ikasteko.
Txorierriko alkate batzuek hartu dute parte aurkezpenean, Miguel Angel Gomez Viar Garraio eta Mugikortasun Iraunkorreko foru diputatuarekin batera: Esther Apraiz Derioko alkatea; Iñigo Gaztelu Larrebetzukoa; Xabier Zubiaur Sondikakoa; eta Jon Ander Aurrekoetxea Lezamakoa. Ana Maria Rubio Gamizko alkatea eta Isaac Amezaga Maruriko alkatea ere izan dira han. Bizipuntuek bat egite dute udalek eta Bizkaiko Foru Aldundiak mugikortasun jasangarriaren alde egin duten apustuarekin.