Uriarte eta Perez Olatz Insausti eta Irati Betegiren kontra ibiliko dira Lezon. Bestalde, nagusien mailan Leire Etxaniz (Olarreta) eta Nagore Aramendi arituko dira Oneka Bereau eta Joana Aristoi Iparraldeko bikotearen kontra. Pilota goxoaren finalak martxoaren 19an, 17:30ean, izango dira Gabiriako frontoian.
Pilota mistoaren txapelketari dagokionez, elite kategorian, Olatz Arrizabalaga (Olarreta) eta Enara Gaminde lehiatuko dira Leire Garaik eta Ane Mendiburuk osatutako bikotearen aurka. Partida martxoaren 13an, 12:00etatik aurrera, izango da Lezoko frontoian, eta Arrizabalagarena baino lehen beste partida bat egongo da: Amaia Aldai – Andrea Capellan / Maddi Barrokal – Itxaso Erasun. Arratsaldean, partidek jarraituko dute promozio kategorian: Ainhoa Romero – Irati Zabala / Miren Gisasola eta Olatz Insusti eta Nagore Galeano – Leire Galeano / Olatz Beitia – Janire Arrizabalaga. Partidak ETB1etik emango dira.