Ukrainiako biztanleei laguntzeko gauzak batzen ari dira Asociación Socio-Cultural y de Cooperación al Desarrollo Ucrania-Euskadi elkartearen lankidetzan, eta, esan moduan, hurrengo gauza hauek behar dira: hotzari aurre egiteko arropa eta sukaldatzeko tresnak, higiene- eta osasun-materiala, iraungitzen ez den janaria eta enbalatzeko materiala. Informazio gehiagorako, 944 540 350 telefono-zenbakira deitu daiteke.
Txorierriko Mankomunitateak jakinarazi duenez, Lezamako Kurtzeko industrialdean kokatuko du Ukrainiara bidaltzeko materialaren bilketa. Txorierritarrek emandako gauzak hautatu, sailkatu eta biltegiratu beharko dira, eta Mankomunitateak boluntarioen laguntza eskatu du horretarako. Kanpaina astelehenean hasiko da, hurrengo egun eta ordutegi hauetan: astelehenetan, eguaztenetan eta barikuetan, 09:00etatik 13:00etara eta 14:30etik 18:30era; eta zapatuetan, 10:00etatik 13:00etara.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).