Euskal Herriko Itzuliaren biharko etapa Zamudion bukatuko da

Euskal Herriko Itzulia apirilaren 4an hasi zen Hondarribian; eta apirilaren 9an bukatuko da Arraten. Bitartean, lasterketa zuzenean ikusteko aukera izango dugu Txorierrin: bihar, apirilak 7, Zamudion bukatuko da laugarren etapa; eta etzi, apirilak 8, herri berean hasiko da bosgarrena. 

Bihar, txirrindulariak Gasteiztik etorriko dira Bizkaira: Arratiatik Galdakaora eta hortik Txorierrira. El Viverotik 15:00ak aldera jaitsi, eta Loiutik ibiliko dira. Ibilbidea Plentzia eta Bakiora urrunduko da, baina Fikatik berriro hurbilduko da gurera. Handik aurrera, hainbat aldiz pasatuko da gure herrietatik: Lezamatik (16:40), Deriotik (16:45), Zamudiotik (16:49), El Viverotik berriro, Larrabetzutik (17:19), Lezamatik (17:24) eta, bukatzeko, Zamudiotik (17:26). Antolatzaileen aurreikuspenen arabera, tropela 17:30ean helduko da Parke Teknologikoan (Ingeteam enpresaren aurrean) jarriko duten helmugara.

Hurrengo egunean Parke Teknologikoa ere izango da abiapuntua. Txirrindulariek Ingeteamen aurrean, 13:24an, hasiko dute Itzuliaren bosgarren etapa. Handik Lezamara eta Larrabetzura abiatuko dira eta Morgatik aterako dira Txorierritik.   

Erlazionatuak

Euskal Herriko Itzuliak eragina izango du trafikoan, apirilaren 7an eta 8an

Txorierri

Atzo hasi zen Euskal Herriko Itzulia eta hori eguenean eta barikuan, apirilak 7 eta 8, etorriko da Txorierrira. Hori dela-eta, errepide batzuk itxi...

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).