Osagaiak (lau lagunentzat): 300 g indaba zuri, 2 porru, kipula txiki bat edo erdia, 2 berakatz-atal, 400 g txipiroi (garbituak eta txikituak), tomate heldu bat, oliba olioa eta gatza.
Prestatzeko modua:
Bezperan ipiniko ditugu indabak beratzen, eta ur hori erabiliko dugu hurrengo egunean lekaleak egosteko. Beharrezkoa bada, ur hotza gehituko dugu. Indabak bigundu arte egingo ditugu. Kipula, porruak eta berakatzak txikitu, eta olio-zurrusta batekin su eztian erregosiko ditugu. Tomatea gehituko dugu, eta hura biguntzen denean, txipiroiak. Su eztian bost minutu inguru izango dugu eta ondoren indabei botako diegu. Irakiten izango dugu, suabe, salda loditu arte.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).