Beste proiektuak dira hauek: metroa Galdakaora eta Usansoloko ospitalera ailegatzea (180 milioi euro), La Avanzada Leioan estaltzea (65 milioi euro), foru-egoitzak eraberritzea (8,7 milioi euro), gizartetik kanpo dauden pertsonei laguntzeko etxebizitzak erostea (8 milioi euro), lehen sektorerako laguntzak (3 milioi euro) eta mendiak erostea eta baso-espezie autoktonoak landatzea (2,6 milioi euro). Bestalde, gainerako diru-kopurua, 150 milioi euro, gordeko da, badaezpada laguntza-plan bereziak martxan ipini behar badira, edo aparteko gasturen bat egin.
Bizkaiko Foru Aldundiak onartu du 2021eko ekitaldiko aurrekontuaren behin-behineko likidazioa. Horren arabera, diruzaintzako gerakinetan 419,7 milioi euro daude. Unai Rementeria diputatu nagusiak azaldu duenez, 269,3 milioi euro erabiliko dira proiektu estrategikoak finantzatzeko. Proiektu horien artean dago Lezamako, Arratiako eta Uribeko bide zaharreko bide berde berriak eraikitzea, eta aldundiak bi milioi euro ipiniko ditu horretarako.