KORRIKAk gizartean utzitako energia soziala Euskaraldira eraman nahi dute egitasmo bien antolatzaileek. Eta lau arrazoi aipatu dituzte horretarako: bi ekimenak erabakigarriak direlako euskararen dinamika soziala hauspotzeko; indibidualismoaren garai honetan, kolektiboaren eta taldearen indarra islatzeko; herriak euskaraz bizi nahi duela adierazteko; eta hizkuntzaren biziberritzean urratsa sendoak egin daitezen eskatzeko.
2022a “hitzaren eta ekintzaren urtea” dela esan zuten egitasmo bien arduradunek urtearen hasieran, eta hitzak berretsi dituzte Donostiako Koldo Mitxelena kulturgunean egindako agerraldian. “Hitzez ekiteko garaia” lelopean, Euskaraldia hirugarren aldiz egingo da azaroaren 18tik abenduaren 2ra eta jadanik lanean hasi dira batzordeak. Maiatzaren 18an epea zabalduko da entitateek izena eman dezaten, eta irailaren 29an, belarriprestek eta ahobiziek izena eman dezaten.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).