Bestetik, asteburu honetan Espainiako Atletismo Txapelketa jokatu da master kategorian, Aronan, Tenerifen. Beste Bira Loiuko taldeko atleta batzuek hartu dute parte bertan: esate baterako, Javier Allendek seigarren postua lortu du 800 metroko distantzian, 45 urte baino gehiagoko kategorian; eta Egoitz Piñeiro hamargarrena izan da 200 metroko distantzian, kategoria berean.
Leire Barcia atleta sondikoztarra, Bizkaiko txapelduna
Leire Barciak (Ezkerraldea taldea) Bizkaiko Txapelketa irabazi du, 400 metroko distantzian, 20 urte azpiko kategorian. Barciak marka hau lortu zuen Durangon: 1:04.02. Gainera, txapeldunordea izan da 200 metro distantzian, kategorian berean. Sondikoztarra Beste Bira Loiuko taldean hasi zen atletismoa egiten, baina aurten Ezkerraldean ibili da.