Buzoian duzu Aikor! Txorierriko aldizkariaren ekaineko alea. Ohiko atalez gainera, bertan topatuko duzu Iker Galartzari, Gure Zirkuaren sortzaileetako bati, egindako elkarrizketa; karpa Lezaman altxatu dute eta bertan uztailaren 2ra arte izango dira. Era berean, Amets Zulueta larrabetzuarraren Bi baserri film laburraren berri izango duzu alean, eta Alazne Etxebarriari buruzko erreportajea. Sondikoztarra Euskadiko eta Bizkaiko txapelduna da 400 metroko lasterketan, eta bi aldiz hautsi du Bizkaiko errekorra.
Gaur arratsaldean Sondikako jaiak hasiko dira eta aldizkarian informazio osoa topatuko duzu, ezer ez galtzeko. Bestalde, Lagatzu Eguneko egitaraua ere kontsultatu ahalko duzu. Ekitaldi nagusia zapatuan izango da eta ekintzaz beteta etorriko da. Euskaraldiaren aurtengo nobedadeak ere izango dituzu irakurgai, baita Larrabetzuko Gazte Egunaren zehetasunak ere. Edozein gai proposatu nahi izanez gero, ipini gurekin harremanetan.