Bizkaiko Batzar Nagusiek onartu dute 3,5 tonako baino gehiagoko merkantzia-ibilgailu astunei kanona ezartzea errepide hauetan: Txorierriko korridorean, Erletxetik Errontegiraino; A-8 autobidean, Basurtotik Hayara; N-240 errepidean, Barazarren; N-636 errepidean, Durangotik Gizpuzkoarako, Kanpazarretik; eta BI-625 bidean, Laudiotik Basauriraino. Neurria urte amaieran sartuko da indarrean.
EAJk eta PSEk neurriaren aldeko botoa eman dute; PPk, kontrako botoa; eta EH Bildu eta Elkarrekin Bizkaia abstenitu dira. Imanol Pradales Bizkaiko Azpiegitura diputatuaren esanetan, neurriak Europako zuzentarau bat du oinarritzat. Zuzentarau hori jasangarritasunari lotuta dago, eta haren arabera, errepideak mantendu behar dituzte gehien erabiltzen dituztenek.
Garraiolariak haserre azaldu dira neurriarekin, eta garraio-sektorea babesteko neurriak eskatu dituzte. Euren ustez, “kontu publikoen defizit orokorrari aurre egiteko neurria da”. Era berean, adierazi dute neurri baztertzailea dela, ez dagokielako errepideen erabiltzaile guztiei; bakarrik garraio astunari”.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
