Foru-ogasunek 200 euroko laguntza-eskaera aktibatu dute familia kalteberentzat

Arabako, Bizkaiko eta Gipuzkoako Foru Aldundiek herritarren eskura jarri dute 200 euroko zuzeneko laguntza eskatzeko izapidea. Ekainaren 25eko 11/2022 Errege Lege Dekretuak ezarri du dirulaguntza eta horren bidez, kalteberatasun sozial eta ekonomikoko egoerei aurre egiteko neurriak hartzen dira.

Laguntza hori behar bezala kudeatzeko, foru-ogasunen bidez eskatuko da bihartik aurrera, uztailaren 22tik aurrera. Aldundi bakoitzak egoitza elektronikoan eskuragarri jarriko du formulario bat horretarako. Laguntza jasotzeko, onuradunek egoitza Euskal Autonomia Erkidegoan izan behar dute, eta dekretuak ezarritako baldintzak bete: bizikidetza-unitatearen 2021eko errentak 14.000 eurotik beherakoa izan behar du, eta haren ondareak 43.196,4 eurotik beherakoa, ohiko etxebizitza kenduta.

Soldatapeko langileei, autonomoei edo langabeei zuzenduta dagoenez, laguntza horretatik kanpo hauek geldituko dira: bizitzeko gutxieneko diru-sarrera edo Gizarte Segurantzaren edo Estatuko Klase Pasiboen araubide orokorreko eta araubide berezietako pentsioak jasotzen dituztenak.

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).