Osagaiak (4 lagunentzat): 750 g legatz (garbi eta dado txikietan ebakia), 2 arrautza, 50 ml esne, perrexila, 150 g ogi arraspatu, 3 berakatz-atal (txiki-txiki eginak), gatza, irin apur bat eta oliba-olioa. Saltsa egiteko: oliba-olioa, kipula bat, 4 berakatz-atal, perrexila (freskoa), gatza, ardo zuria edo zainzuri-ura eta 500 ml arrain-salda.
Prestatzeko era:
Osagai guztiak nahastuko ditugu, eta bolatxoak egin. Irineztatu eta olio berotan frijituko ditugu (gehiegi egin barik). Gordeko ditugu. Saltsa egiteko, kipula eta berakatzak frijituko ditugu su eztian. Biguntzen direnean, perrexila (txiki-txiki eginda) gehituko dugu, eta ardo zuri-zurrusta bat edo zainzuri-ura. Irakiten izango dugu bost minutu inguru eta ondoren arrain-salda botako dugu. Irakiten izango dugu saltsa apur bat loditu arte. Saltsa irabiatu dezakegu, ala dagoen moduan utzi. Bolatxoak saltsan sartuko ditugu, eta bost minutuan egosi.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
